Չինաստանում զինծառայողները կապիկներ են վերցրել ծառայության: Կենդանիները պաշտպանում են ռազմաօդային բազաները թռչուններից: Բանն այն է, որ թևավորները զինվորականներին անհարմարություններ են պատճառում.ընկնում են ինքնաթիռների շարժիչների մեջ, ինչը երբեմն ինքնաթիռների կործանման պատճառ է դառնում, փոխանցում է Want China Times-ը:
Կապիկներին այնպես են վարժեցրել, որ նրանք քանդում են ռազմական օբյեկտների մոտ ծառերին հյուսած թռչունների բները: Իսկ վաստակի համար պրիմատներին եգիպտացորեն, բանջարեղեն ու միրգ են հյուրասիրում: Ներկայում արդեն 5 կապիկ է ծառայության անցել: Նրանցից յուրաքանչյուրը կարող է մինչև 12 բույն ավերել:
