Այսօր Տավուշի մարզի սահմանամերձ Չինարի և Մովսեսի գյուղապետերը անդրադարձան Պառավաքար-Վազաշեն ավտոճանապարհի կառուցման աշխատանքներին, որը արդեն մեկ տարի է ինչ կառուցվում է:
«Այս թեմայով քննարկում է անցկացվել Կառավարության հետ, ՀՀ նախագահի հետ հանդիպում է եղել: Պառվաքար-Վազաշեն ավտոճանապարհի հողային աշխատանքները ավարտված են, պարզապես եղանակային պայմանները թույլ չեն տալիս ավարտին հասցնել ամբողջը: Իհարկե, վախենալու է այդ ճանապարհով շարժվելը, վտանգավորություն կա, բայց ես երբեք չեմ խուսափել այդ ճանապարահով գնալ, քանի որ այդպես ավելի մոտ է իմ տունը»,-ասում է Չինարիի գյուղապետ Սամվել Սաղոյանը:
Իսկ Մովսեսի գյուղապետ Արարատ Ավալյանը կարծում է, որ սահմանամերձ Չինարիի և Մովսեսի փողոցներում ավելի վտանգավոր է քայլելը, քան այդ ճանապարհով երթևեկելը:
