Խելախոսների չինական արտադրող Digione-ը մեղադրում է Apple-ին iPhone 6-ի ստեղծման ընթացքում բանագողության դիմելու մեջ: Այս մասին հաղորդում է Business Insider-ը:
Digione ընկերության ներկայացուցիչները հայտարարում են, որ iPhone 6-ի ստեղծման ընթացքում ամերիկյան ընկերությունը կրկնօրինակել է չինական խելախոսի դիզայնը: Սեպտեմբերին նրանք նամակ են ուղարկել՝ հայտարարելով, որ iPhone 6-ը ոտնահարում է իրենց պատկանող արտոնագրերից մեկը:
Նշվում է, որ չինական հեռախոսի արժեքը չի գերազանցում 129 դոլարը, մինչդեռ Apple-ի հայտնի մոդելը վաճառվում է նվազագույնը 600 դոլարով:
