ԵՄ-ից Մեծ Բրիտանիայի հնարավոր դուրս գալը Չեխիայում բանավեճ կառաջացնի այդ կազմակերպությանը հանրապետության անդամակցությունը պահպանելու նպատակահարմարության շուրջ:
Այդ մասին հայտարարել Է Չեխիայի վարչապետ Բոգուսլավ Սոբոտկան:
«ԵՄ-ին Բրիտանիայի անդամակցության դադարեցման հետեւանքները, իրոք, կարող են հսկայական լինել,-ընդգծել Է նա:-Եթե Բրիտանիան լքի Եվրամիությունը, ապա մի քանի տարի անց դրանից դուրս գալու շուրջ բանավեճեր են սպասում նաեւ մեզ»:
ԵՄ-ից Չեխիայի դուրս գալու դեպքում հանրապետությունը «վնասներ կկրի տնտեսության եւ անվտանգության ոլորտներում»: Սոբոտկայի կարծիքով՝ Չեխիան կվերադառնա Ռուսաստանի ազդեցության գոտի: «Դա կնշանակի բացարձակ հրաժարում երկրի զարգացումից՝ 1989 թվականից հետո»,-հավելել Է վարչապետը, հաղորդել Է ՏԱՍՍ-ը:
