Ուկրաինայի նախագահ Պյոտր Պորոշենկոն հայտարարել է, որ ՈՒԵՖԱ-ի որոշման համաձայն` Չեմպիոնների լիգա-2018-ի եզրափակիչ հանդիպումը կանցկացվի Կիևում՝ հաղորդում է Korrespondent-ը:
«Չեմպիոնների լիգա-2018-ի եզրափակիչ փուլը կանցկացվի Ուկրաինայում: Հենց նոր ՈՒԵՖԱ-ն որոշում է կայացրել Չեմպիոնների լիգայի 2018-ի եզրափակիչ հանդիպումը Կիևում անցկացնելու մասին» ,- նշված է Ուկրաինայի նախագահի ֆեյսբուքյան էջում:
Պորոշենկոն վստահություն է հայտնել, որ Ուկրաինան եզրափակիչ փուլը կանցկացնի «ամենաբարձր մակարդակով»:
«Դա հիանալի նորություն է բոլորիս և հատկապես ուկրաինացի երկրպագուների համար»,-նշել է նա:
Նշենք, որ Ուկրաինայի ֆուտբոլի ֆեդերացիայի նախագահ Անդրեյ Պավելկոն հաստատել է ՈՒԵՖԱ-ի որոշումը:
