Ֆրանսիայի ազգային հավաքականի երկարամյա ավագ, 76-ամյա Ժան Ջորկայեֆը ժամանել է Մոսկվա, որտեղ հարցազրույց է տվել Izvestia պարբերականին: Վերջինս խոսել է նաև Հայաստանի ազգային հավաքականի մասին: Փոխանցում է Armfootball.com-ը:
— Դուք մոտ էիք Հայաստանի ազգային ընտրանին գլխավորելուն, բայց պայմանագիր չստորագրեցիք: Ինչու՞:
— Իմ կինը հայուհի է և նա ուզում էր վերադառնալ հայրենիք: 1998 թվականին իրականում շատ լավ առաջարկ ստացա Հայաստանի ֆուտբոլի ֆեդերացիայից, բայց երկար մտածելուց հետո որոշեցի հրաժարվել: Այդ ժամանակ ես օգնում էի Լիգա-1-ի ակումբներից մեկին և շատ էի ցանկանում աշխարհի առաջնության ժամանակ լինեի Ֆրանսիայում:
— Հայ ֆուտբոլիստներից դուք միշտ առանձնացրել եք դարպասապահ Ռոման Բերեզովսկին: Տեղյակ եք, որ մեկ տարի առաջ նա ավարտել է ֆուտբոլիստի կարիերան և այժմ անցել է մարզչական գործունեության:
— Ես հետևում եմ Ռոմանի ելույթներին: Նա փորձառու ֆուտբոլիստ է և ես վստահ եմ, որ նա շատ լավ մարզիչ կարող է լինել ազգային հավաքականի համար: Գործող ֆուտբոլիստներից ես կառանձնացնեմ Հենրիխ Մխիթարյանին «Բորուսիայից»: Բազմակողմանի, հետաքրքիր ֆուտբոլիստ է: Չեմ զարմանա եթե ամռանը նրան հրավիրեն «Ռեալից», «Բարսելոնայից» կամ անգլիական թոփ-ակումբներից մեկից:
