«Բոկո Հարամ» խմբավորման մոտ 200 գրոհայիններ սպանվել են Նիգերիայում Չադի բանակի գրոհի ժամանակ: France Presse գործակալությունը հաղորդում է, որ այս մասին տեղեկացրել են հարևան պետության զինվորականների հայտարարության մեջ:
Չադի բանակը կորցրել է 9 զինծառայող, 21-ը վիրավորվել են:
Չադի զորքերն ու զինտեխնիկան Նիգերիայի տարածք էին մտել փետրվարի 3-ին՝ իսլամիստների դեմ պայքարելու համար: Ավելի վաղ, Նիգերիայի իշխանությունները հայտնել էին, որ կարողացել էին վերականգնել հյուսիսում հինգ քաղաքների վրա վերահսկողությունը, որոնք նախկինում գտնվում էին գրոհայինների ձեռքերում:
