Բերանի վատ հոտը ոչ միայն տհաճ ու խանգարող հանգամանք է, այլև ազդանշան, որը հուշում է օրգանիզմի «անսարքության» մասին:
Առողջ մարդկանց բերանից վատ հոտ կարող է գալ առատ սննդից հետո, որը օրգանիզմում կուտակվելով չի հասցնում մշակվել ինպես հարկն է: Դրա դեմ պայքարի միջոցը պարզապես քիչ կամ չափավոր ուտելն է:
Կանանց բերանից վատ հոտ կարող է գալ դաշտանից առաջ կամ էլ հետո: Այդ շրջանում պետք է բերանը ողողել թարմացնող նյութեր պարունակող հատուկ ոգեթուրմերով:
Բերանի վատ հոտը հուշում է հաճախակի փորկապությունների մասին: Եթե աղիքները նորմալ են աշխատում ու մարսողության արգասիքները, տոքսիններն ու խարամները կանոնավոր ու ժամանակին դուրս բերում, ապա հոտ չպիտի լինի:
Եթե բերանից եկող վատ հոտն անընդհատ է հետապնդում,ապա պետք է դիմել մասնագետի. դա կարող է ցածր թթվայնությամբ գաստրիտի հուշում լինի, որի դեպքում սպիտակուցների վերամշակումը դժվարանում ու դանդաղում է: Թթվահոտ կարող է բերանից գալ նաև ստամոքսի ու 12-մատնյա աղիքի բարձր թթվայնությամբ խոցային հիվանդությունների դեպքում:
Ավելորդ է ասել, որ վատ հոտը կարող է բերանի խոռոչի հիվանդությունների, փչացած ատամների առկայությամբ պայմանավորված լինել:
Իսկ նրանք ում նշագեղձերը բորբոքված են ու թարախակույտեր կան, ապա հոտը պարզապես անխուսափելի է: Եթե վատ հոտը հիվանդության հետևանք է, ապա դրա դեմ պայքարն անիմաստ է, եթե հիմնական հիվանդությունը չի բուժվում:
Մնացած բոլոր դեքերում թարմ շնչառության հարցը մեր իսկ ձեռքերում է: Դրա համար կիրառեք ատամնամածուկներ, որոնց բաղադրության մեջ հոտը վերացնող դեղաբույսեր կան:
Բանջարեղեն ու մրգեր օգտագործեք. խնձոր, տանձ, գազար, որոնք առողջացնում են լնդերն ու թարմացնում բերանի խոռոչը:
Մաղադանոսի մեկ ցողունն անգամ կոտրում է վատ հոտը:
Ցիտրուսներ. դրանցում ատամների բակտերիալ նստվածքի աճը խոչընդոտող նյութ է պարունակվում, որը հակաբորբոքային ազդեցություն է ունենում լնդերի վրա:
