Ուռուցքային հիվանդություններից թոքերի քաղցկեղն ամենատարածվածն է: Ամեն տարի ողջ աշխարհում թոքերի քաղցկեղով հիվանդանում է 1 մլն մարդ:
Ինչ գիտենք այդ հիվանդության մասին
Ախտանշանները
Հիվանդությունը 3 փուլով է զարգանում: Առաջին փուլում մարդը կորցնում է կենսական տոնուսը, աշխատունակության նվազում է լինում, հիվանդն արագ հոգնում է, հետաքրքրություններն ասես մարում են, շրջապատի նկատմամբ անուշադրություն է առաջանում: Սկզբում թոքերի քաղցկեղը կարող է ռեսպիրատորային վարակներով արտահայտվել. չոր հազ է սկսվում, որը հետո անհանգստացնող, տանջալից է դառնում: Դրա հետ զուգահեռ ցավ է առաջանում կրծքավանդակում, սրտխփոց է լինում ու շնչարգելություն: Սովորաբար այդ հազն ուղեկցվում է արյունախխմամբ: Բժշկման չենթարկված հիվանդության դեպքում սննդային անանցանելիություն է առաջանում ու ստամոքսի ցավ: Իսկ քաղցկեղի երրորդ փուլում պարանոցի, դեմքի ու ընդհանուր, մարմնի վերին հատվածի այտուց է առաջանում:
Պատճառները
Ընդունված է կարծել, որ քաղցկեղը կենցաղային որոշ գործոնների, շրջակա միջավայրի, սխալ կենսակերպի ու աշխատանքային պայմանների հետևանքով է առաջանում: Հավանականությունը, որ քաղցկեղի այս տեսակը հնարավոր է հանդիպի պղնձաձուլական արտադրամասերի, փայտամշակման արդյունաբերությունում զբաղվածների մոտ, մեծ է: Իսկ գիտականորեն էլ ապացուցվել է ծխելու ազդեցությունը որպես հիվանդության առաջացման գործոն:
Հիվանդության զարգացման փուլերը. կենսաբանական.որը քաղցկեղային ուռուցքի առաջացման պահից սկսած մինչև հիվանդության ռենտգենաբանական ախտանշանների ի հայտ գալու ժամանակաշրջանն է:
Ոչ ախտանշային փուլ, որը բնորորոշվում է բացառապես ռենտգենոլոգիական պատկերով:
Կլինիկական, երբ նաև կլինիկական ախտանշաններ են ի հայտ գալիս:
Բուժման մեթոդներն են` վիրաբուժական, ճառագայթային, քիմիաթերապիա և համալիր մեթոդ (ամենահաճախ կիրառվողն է):
Վիճակագրության համաձայն, քաղցկեղային այն հիվանդների կյանքի տևողությունը, ովքեր մասնագիտական բուժումից հրաժարվում են, էապես կարճ է: Ուստի, բուժպրակտիակայից հետևություն է արվել ` քաղցկեղի ժամանակին հայտնաբերումն ու բուժումը դրական ազդեցություն է ունենում հիվանդի կյանքի որակի ու տևողության վրա:
