Նեյրոդերմիտը մաշկի ալերգիկ ախտահարումն է, որը քրոնիկ բնույթ ունի։ Պատճառները մինչև վերջ հայտնի չեն, չնայած կարծիք կա, որ դա մաշկային ալերգիայի տարատեսակ է, ինչպիսին ասենք եղնջատենդն ու ատոպիկ դերմատիտն են: Սակայն հայտնի է, որ ալերգիան կարող է առաջանալ ասենք` ընտանի կենդանիների բրդից, ակարիումային ձկների չոր կերից, բարձի բմբուլից կամ էլ ներքնակի ու վերմակի բրդից, դիմահարդարման պարագաներից ու հոտավետ ցողաջրերից, մթերքից (մեղր, ցիտրուսներ, միրգ ու շոկոլադ, ներկանյութեր ու պահածոյացնողներ պարունակող մթերքներ): Ուստի, նեյրոդերմիտի բուժման ժամանակ ոչ միայն դեղամիջոցներ են առաջարկվում, այլև փորձում են հայտնաբերել ալերգածինն ու դադարեցնում հիվանդի շփումը դրա հետ: Նեյրոդերմիտը տարբեր կերպ է արտահայտվում.սահմանափակ տեղակայությամբ, երբ մաշկի մի հատվածն է ախտահարված`թերթերից կազմված մանր ցանի տեսքով: Սովորաբար նեյրոդերմիտի դեպքում մաշկը կոշտանում է, ասես ալյուր ցանած լինի, քոր կա որը հատկապես ուժգնանում է երեկոյան ու գիշերը: Դրա պաճառով է, որ հաճախ հիվանդի մոտ նաև կոպիտ քորելու հետևանքով արյան հետքեր են նկատելի: Նեյրոդերմիտային թերթերը սովորաբար տեղակայվում են պարանոցի հետին ու կողմնային մակերեսներին, արմունկներին ու ծնկահոդի փոսիկներում, սեռական օրգանների շրջանում ու հետանցքի մոտ: Եթե մաշկի նման փոփոխություններ են դիտվում մարմնի տարբեր տեղերում, ուրեմն խոսքը տարածված նեյրոդերմիտի մասին է : Սովորաբար նեյրոդերմիտը սեռահասունացման տարիքում նվազ արտահայտված է լինում, , իսկ հետո , տարիքի հետ կարող է վերջնականապես անհետանալ:
