Լոբազգիներն արժեքավոր որակների շնորհիվ հատուկ տեղ ունեն խոհանոցում ու առողջության տեսանկյունից: Դրանք բազմաթիվ են, սակայն, խանութում միայն հետևյալ տեսակներն են հանդիպում.ոլոռ, ոսպ, սիսեռ, լոբի, սոյա:
Դրանցից յուրաքանչյուրը միայն իրեն բնորոշ հատկություններ ունի, սակայն բոլորն էլ միանման օգտակար են առողջությանը:
Լոբազգիները սննդի մեջ ներառելու բազում պատճառներ կարելի է թվարկել, սակայն ընդամենը մի քանիսը նշենք.
Սննդարարությունը
Սպիտակուցների մեծաքանակ պարունակության պատճառով է, որ դրանք հաճախ “բուսական միս” են անվանում: Բոլոր սորտերը հարուստ են ամինաթթուներով, որոնք թույլ են տալիս դրանք կենդանական ծագման մթերքների փոխարեն օգտագործել: Այդ ամինաթթուները դյուրին կերպով են յուրացվում մարսողության ընթացքում:
Բոլոր սորտերն էլ բջջանքի բարձր մակարդակով են աչքի ընկնում: Չլուծվող բուսաթելերը կարևորագույն դեր են կատարում մարսողության ընթացքում. կանխում են փորկապությունը, նպաստում օգանիզմից տոքսինների, խարամերի ու ռադիոնուկլիդների դուրսբերմանը: Բացի այդ, լոբազգիները նպաստում են արյան մեջ “վատ խոլեստերինի” մակարդակի ու սիրտ-անոթային հիվանդությունների զարգացման ռիսկի նվազմանը :
Լոբազգիները նաև ցածր կալորիական են
Չնայած լոբազգիների սննդարար որակներին, դրանք ցածր կալորիական են. 100 գ մթերքում 56,8 կկալ է պարունակվում:
Մարսողական տրակտում լոբազգիների ածխաջրերի տրոհման համար ժամանակ է անհրաժեշտ, ինչը երկար ժամանակ հագեցածության զգացում է ապահովում: Լոբազգիների այդ հատկությունը բարձր են գնահատում նիհարել ցանկացողները:
Լոբազգիների ֆլավոնոիդները, իզոֆլավոններն ու հակաօքսիդանտները թույլ են տալիս այդ մթերքը կիրառել նաև արյան ճնշման, միոկարդի ինֆարկտի, ուռուցքային հիվանդությունների դեպքում:
Բացի այդ, եթե կանոնավոր կերպով դրանք ներառվեն սննդաբաժնում, ապա նկատելի կերպով կբարելավվի մազերի,եղունգների, միզասեռական համակարգի, լյարդի ու թոքա-բրոնխային համակարգի աշխատանքը, կխթանվի հիշողությունը, կվերահսկվի շաքարի մակարդակն արյան մեջ ու իմունիտետը կբարձրանա:
Վիտամինային կազմը
Շատ գնահատվում են այն սեզոնին, երբ թարմ միրգ-բանջարեղենի անբավարարություն է զգացվում: Բոլոր տեսակներն էլ հարուստ են В (В1, В2, В6), С, А, РР խմբի վիտամիններով, ֆոսֆորով, մագնեզիումով ու երկաթով: Ու տևական պահպանման հատկության շնորհիվ էլ կարելի է միշտ լոբազգիներ ամբարել:
Լոբազգիները նաև անեմիան կանխարգելող միջոց են համարվում, քանի որ բոլոր բուսական մթերքներից միայն լոբազգիներում է մեծ քանակությամբ արյունաստեղծման համար անհրաժեշտ երկաթպարունակվում, դրա համար էլ պետք է սննդաբաժնում հաճախ լոբազգիներից պատրաստված ուտեստներ ներառել:
Լոբազգիները լիզին ամինաթթու են պարունակում, որը կարգավորում է նյարդային համակարգի աշխատանքը, բարձրացնում տրամադրությունը և օգնում սթրեսային իրավիճակներում:
