Թերևս բոլոր կանանց ծանոթ է կանդիդոզը: Երբ Candida սնկերը սկսում են բազմանալ հեշտոցում, կանդիդոզ է սկսվում:
Իսկ քորի, այրոցքի, կաթնաշոռի նման արտադրության ու կարմրության մասին գիտեն երևի թե բոլոր կանայք:
Ինչպես կարելի է պաշտպանվել նման խնդրից: Խոսքը կանդիդոզի այն դեպքերի մասին է, երբ դրա առաջացման պատճառն անհայտ է:
Հնարավոր է, որ դրա առաջացմանը նպաստել է վերջերս տարած հիվանդությունը, որի հետևանքով իմունիտետն է թուլացել: Կանդիդոզի առաջացման առաջին պատճառներից մեկը հենց թույլ իմունիտետն է:
Եթե արդեն մի քանի անգամ է, որ ձեզ մոտ ի հայտ է գալիս սնկային հիվանդության այս տեսակը, կնշանակի, որ պետք է փոխեք միջադիրի կամ սպիտակեղենի տեսակը: Դրա առաջացմանը նպաստում է նաև կիպ սպիտակեղենը, պետք է նախընտրել բամբակյա ներքնազգեստը, որը, բոլոր դեպքերում անվնաս է:
Հրաժարվեք օճառից ու օգտվեք հատուկ ինտիմ խնամքի միջոցներից կամ էլ միմիայն ջրով լվացվեք: Բանն այն է, որ օճառով լվացվելու դեպքում երբեմն խախտվում է բնական ֆլորան, հետևաբար և վարակների նկատմամբ դիմադրողականությունն է ընկնում:
Եթե, այնուամենայնիվ հիվանդացել եք, ապա գնացեք բժշկի, խուսափեք ինքնաբուժումից: Հնարավոր է, որ ինքնաբուժման արդյունքում ախտանշանները կարողանաք վերացնել, սակայն սունկը` ոչ: Ու միայն մասնագետի օգնությամբ կարելի է լրիվ ձերբազատվել այդ հիվանդությունից:
Վերը թվարկված ախտանշանները թեթևացնելու նպատակով կարելի է արտաքին կողմից ցավոտ մասերին եռացրած ու գոլացրած ջրի մեջ լուծած մեղր քսել (համոզված եղեք, որ այն բնական է). 1 թ.գդալ մեղրին` 50 մլ եռման ջուր:
Գիշերը կարելի է կեֆիրե միջադիրներ գործածել, 3 օր: Իմունիտետը բարձրացնելու համար մի տարվեք դեղամիջոցներով: Բուժումից հետո պետք է վերականգնողական փուլ անցնել, որի ժամանակ չի կարելի ծանրություն բարձրացնել, քանի որ օրգանիզմը դեռևս թույլ է ու որպես հիվանդության բարդություն կարող դրան էլ ցիստիտը ավելանալ: Կերեք »կենդանի« վիտամիններ, պտուղ, բանջարեղեն, կանաչեղեն, այդ ամենը կբարձրացնի իմունիտետը ու կօգնի խուսափելու այդ տհաճ խնդրից:
