Կանդիդոզը սնկային հիվանդության տարատեսակ է: Հարուցիչը կանդիդա սունկն է, որը բնադրվում է մաշկի վրա ու բոլոր օրգանների լորձաթաղանթին (եթե կա):
Կանդիդոզը կարող է առաջանալ յուրաքանչյուրի ու նաև առողջի մոտ: Կարող է անցնել առանց հատուկ բուժման կամ էլ կարող է ծանր հիվանդության հետևանք լինել (հիվանդություն, որի դեպքում խանգարվում է նորմալ միկրոֆլորան):
Կանդիդոզի դրսևորումը կախված է տեղայնացումից:
Բերանի խոռոչի կանդիդոզ (կաթնախտ):
Հաճախ է հանդիպում նորածինների մոտ (սակայն բոլոր տարիքներում էլ կարող է լինել: Այտերի ու լեզվի լորձաթաղանթն ու ըմպանը ծածկվում են սպիտակ փառով , որը ձյան փաթիլներ է հիշեցնում (երբեմն նույնիսկ կաթնաշոռի հետ են համեմատում, այսինքն, լորձաթաղանթն այնպիսի տեսք ունի, կարծես երեխան հենց նոր կաթնաշոռ է կերել): Հիմնականում, ներկայիս պայմաններում դա վտանգ չի ներկայացնում: Եվ միայն եթե տեղային միջոցներն արդյունք չեն տալիս, ապա լրջորեն պետք է հետազոտել դրանց իսկական պատճառը հայտնաբերելու նպատակով:
Աղիքների կանդիդոզ
Աղիքների կանդիդոզը դիսբակտերիոզի ծանր տարատեսակ է համարվում: Երբ աղիքներում նորմալ միկրոբների համար ապրելու պայմաններ չեն լինում, աղիքներում բազմանում են կանդիդաները: Դա արտահայտվում է փորլուծով չափազանց գազառաջացմամբ, կղանքում սպիտակ փաթիլերի նման գոյացություններով: Երեխաների դեպքում կանդիդոզը վտանգավոր է քաշն ու աճը դանդաղելու վտանգով, փորլուծի դեպքում էլ երեխան վիտամիններ է կորցնում ու այլ տարրեր, որոնք անհրաժեշտ են նորմալ աճի ու զարգացման համար:
Հեշտոցի կանդիդոզ
Հեշտոցի կանդիդոզն առատ, սպիտակ գույնի փաթիլների` կաթնաշոռի նմանվող արտադրությամբ է ընթանում:
