Սեզոնը բացվելու հետ կանաչեղեն ավելի ու ավելի շատ է օգտագործվում խոհանոցում, ասես` ձմեռվա պակասը լիարժեք լրացնելու համար: Բայց, պետք է ամեն ինչում չափավոր լինել ու հաշվի առնել կանաչեղենի նաև բացասական ազդեցությունն օրգանիզմի վրա: Այսպես.
Նեխուր
Գլխավոր առավելությունը պոտենցիայի վրա բարերար ազդեցությունն է: Առաջարկվում է շաքարային դիաբետի դեպքում` կանոնավոր գործածելու համար, քանի որ դրանում ինսուլին է պարունակվում: Հարուստ է կալիումով, կալցիումով, ֆոսֆորով, ցինկով, ֆտորով, սելենով, ֆլավոնոիդներով ու С վիտամինով, որոնք ուռուցքային հիվանդությունների դեմ հրաշալի կանխարգելիչներ են համարվում:
Բայց` խորհուրդ չի տրվում նեխուրով տարվել հղիներին, չնայած դրա պարունակած ֆոլաթթվին, քանի որ արգանդի տոնուսն է բարձրացնում: Իսկ միզապարկի ու երիկամների հիվանդությունների դեպքում տվալ կանաչեղենի օգտագործումը պետք է չափավորել:
Հազար
Առավելությունները. պարունակում է ֆոլաթթու ու С վիտամին: Օրական նորմի համար պետք է 500 գ հազար ուտել` այն էլ ձեթով:
Բայց, տվյալ կանաչին պետք է իրենց սննդաբաժնից հանեն նրանք, ովքեր խոլեցիստիտ, պանկրեատիտ, հեպատիտ, ստամոքսի ու աղիների բոբոքում կամ էլ երիկամներում քարեր ունեն:
Դաղձ
Առավելությունները. դաղձը թուլացնող, հանգստացնող հատկությամբ է օժտված ու շատ օգտակար է սիրտ-անոթային համակարգի հիվանդություններ ունեցողներին, հանգստացնում ու լայնացնում է անոթները:
Սակայն, չի առաջարկվում դաղձով թեյ տալ մինչև 6 տարեկան երեխաներին ու բրոնխային սպազմի ժամանակ:
Սխտորի տերևներ
Առավելությունները. այս հրաշալի մթերքում С վիտամինի պարունակությունը շատ ավելի է, քան սոխի մեջ: Դրա ցողունը ֆիտոնցիդներ է արտադրում, իսկ տերևները շուրջը ստերիլ գոտի են ստեղծում, որտեղ ոչնչանում են մանրէները: Հրաշալի միջոց է շնչառական ու աթերոսկլերոզային հիվանդությունների կանխարգելման նպատակով:
Սակայն, չի առաջարկվում սրտի, երիկամների ռևմատիզմ, լյարդի ու ստամոքս-աղիքայի տրակտի հիվանդությունների դեպքում:
Խատուտիկ
Առավելությունը. խատուտիկի տերևներից պատրաստված թուրմը սուրճի նման լիցք է հաղորդում: Այնպես, որ, խատուտիկ կարելի է ավելացնել աղցաններին:
Բայց չի առաջարկվում խոցի, գաստրիտի ու լեղաքարային հիվանդությունների դեպքում:
Կանաչ սոխ
Մեծ քանակությամբ կալիում է պարունակում, որն անհրաժեշտ է սիրտ-անոթային համակարգի կանոնավոր աշխատանքի համար: Կանխարգելիչ միջոց է համարվում մրսածությամբ պայմանավորված հիվանդությունների ու աթերոսկելրոզի դեպքում: 100 գ կանաչ սոխը պարունակում է մարդու օրգնաիզմին անհրաժեշտ վիտամինի ու հակաօքսիդանտների անհրաժեշտ քանակություն:
Հում կանաչ սոխ խորհուրդ չի տրվում գործածել խոլեցիստիտի, հեպատիտի, ստամոքսի ու աղիների բորբոքային հիվանդությունների դեպքում:
Սամիթ
Այս կանաչու բաղադրության մեջ հսկայական քանակությամբ կերատին, կալցիում, ֆոսֆոր, մագնեզիում ու վիտամին կա: Կանոնավոր օգտագործելու դեպքում այն նպաստում է արյան ճնշումն իջեցնելուն, կանոնավորում է աղիների աշխատանքը ու շատ օգտակար է տեսողության համար:
Սակայն, խորհուրդ չի տրվում դրանով տարվել ցածր ճնշում ունեցողներին: Շատ ուտելու դեպքում հնարավոր են գլխապտույտներ առաջանան, թուլություն ու անգամ ուշագնացություն լինի:
