Հետաքրքրականն այն է, որ այս խառնուրդը շատերս ենք կիրառում` սրտի, արյան ու ընդհանուր կազդուրիչ նպատակով, սակայն նոր միայն իմանում ենք, որ դա ոչ թե ժողովրդական ու ժողովրդի կենսափորձով ստուգված բալասան է, այլ ունի հեղինակ:Ու նա ակադեմիկոս Նիկոլայ Ամոսովն է, վիրաբույժ, գիտնական, կիբեռնետիկ ու գրականագետ:
Նա հիվանդներին հետվիրահատական շրջանում որպես օրգանիզմն ամրապնդող միջոց առաջարկում էր այս խառնուրդը օգտագործել` շուտ վերականգնվելու համար: Այն նաև առողջ մարդկանց է օգնում: Իսկ խառնուրդի բաղադրությունը հետևյալն է`
-500 գ չամիչ (ի դեպ, հայկական բաղադրատոմսերում առաջարկվում է վերցնել անկորիզն ու սևը)
-500 գ ծիրանաչիր (առանց շաքարի)
-թուզ` նույնքան
-սև սալոր` անկորիզ 500 գ
-ընկույզ (հունական) 500գ
և մեկ կիտրոն` ամողջական, կեղևով:
Բոլոր բաղադրիչներն աղալ, ավելացնել 500 գ մեղր, լավ խառնել ու լցնել տարաների մեջ: Կիրառել օրական 3 անգամ, մեկական ճաշի գդալ, ուտելուց կես ժամ առաջ:
Այս խառնուրդը վիտամինների ու օրգանիզմին անհրաժեշտ միկրոտարրերի իսկական գանձանակ է:
Ի դեպ, այնքան համեղ է, որ երբեմն չես բավարարվում մեկ ճաշի գդալով:
Առողջ եղեք:
