Ամեն տարի Ամանորի նախօրեին Գիտության և առողջության գծով ամերիկյան խորհուրդը, որը 350 հեղինակավոր բժիշկներից ու գիտնականներից է կազմվել, հրապարակում է իր նախատոնական ցանկությունները:
Դրանք, բնականաբար, տարին տարվա վրա շատ քիչ բանով են տարբերվում մեկը մյուսից, սակայն արժե անդրադառնալ դրանցից մի քանիսին:
1.Մի ծխեք. ծխելը մահացության պատճառներից առաջինն է, որը կարելի է կանխել կամքի ուժով:
2.Մի խմեք ղեկի մոտ նստելուց, քանի որ տարեկան 16 հազար խմած վարորդ է մահանում ու ավելի քան 327 հազարը ծանր վնասվածքներ ստանում ավտոմեքենան ոչ սթափ վարելու պատճառով:
3.Եթե սպիրտային խմիչքներ եք գործածում, ապա գոնե խմեք չափավոր: ԱՄՆ-ում ամեն տարի խմիչքների չարաշահման հետևանքով 80 հազար մահ է գրանցվում:
4.Ճիշտ սնվեք ու խուսափեք գիրանալուց; ԱՄՆ-ի հասուն բնակչության կեսից ավելին ավելորդ քաշ ունի, իսկ 22%-ը` գեր է: Դա հղի է սրտի ախտահարման, արյան ճնշման, կաթվածի, արթրիտի, լեղաքարային հիվանդությունների ու որոշ քաղցկեղների առման վտանգով: Իսկ դրանից խուսափելու համար համալիր մոտեցում է անհրաժեշտ` սննդակարգի կարգավորումից, մինչ ֆիզիկական մարզումներ:
5.Կարևորեք բերանի խոռոչի, ատամների խնամքը.ատամնաբույժների խորհուրդները բոլորին են հայտնի:
Իսկ մեր դեպքում այս ամենին պետք է հավելել նաև`
մի նյարդայնացեք ու հուսահատվեք, եթե ամանորյա հյուրաիրության սեղանը ձեր պատկարացրածի նման չստացվի: Անգամ ոչ սովորականի պես հարուստ սեղան չունենալու հանգամանքը կարելի է դրական ընդունել. այդ կեակրատեսակները փչանալուց մեր ստամոքսով փրկելու անհրաժեշտություն չի լինի:
Այս տարի էլ գոհանանք նրանով, ինչ կունենանք։
Շնորհավոր Ամանոր ու առողջություն ձեզ:
