Բրիտանական BT Sport ընկերությունը ՈւԵՖԱ-ին առաջարկել է ռեկորդային պայմանագիր: Ընկերությունը ցանկանում է դառնալ ՈւԵՖԱ-ի կողմից կազմակերպվող Չեմպիոնների լիգայի և Եվրոպա լիգայի բացառիկ հեռարձակողը, որի դիմաց պարտավորվում է վճարել 1 մլրդ ֆունտ ստերլինգ: Այս մասին գրում է The Daily Mail-ը:
Եթե ՈւԵՖԱ-ն համաձայնի այս պայմաններին, ապա ցուցադրության իրավունքները BT Sport-ին կանցնեն 2015 թվականից: Որոշ տեղեկությունների համաձայն` կողմերը քննարկում են պայմանագրի վերջնական տարբերակը:
Տեղեկացնենք, որ Անգլիայի Պրեմիեր լիգայի 38 խաղերի ցուցադրության համար BT Sport-ը վճարում է 738 մլն ֆունտ ստերլինգ:
