Եվրոպացիներն ահաբեկչության դեմ հանդիման պետք Է մի կողմ դնեն աշխարհաքաղաքական խաղերը: Այդ մասին Ռուսաստանի արտաքին գործերի նախարար Սերգեյ Լավրովը հայտարարել Է ԳՖՀ-ի ԱԳ նախարար Ֆրանկ Վալտեր Շտայնմայերի հետ մարտի 23-ին Մոսկվայում բանակցությունների բացմանը, տեղեկացնում է ՏԱՍՍ-ը:
«Հուսով եմ, որ բոլոր եվրապացիներն ահաբեկչության ահավոր սպառնալիքի դեմ հանդիման Բրյուսելի ահաբեկչական գործողությունների լույսով մի կողմ կդնեն աշխարհաքաղաքական խաղերը եւ կմիավորվեն…»,-ասել Է նա:
Իր հերթին Գերմանիայի ԱԳ նախարարը հայտարարել Է, որ Ռուսաստանի եւ Եվրոպայի ընդհանուր շահերից Է բխում ահաբեկչության դեմ միասին հանդես գալը:
Շտայնմայերը նաեւ կարծիք Է հայտնել, որ Սիրիայում Ռուսաստանի կողմից գործադրվող հաստատակամ ջանքերը կարող են ծառայել խաղաղությանը:
«Սիրիայում Ռուսաստանի հաստատակամ ջանքերը կարող են ծառայել խաղաղությանը,-ասել Է նա:-Մենք սիրիական ճգնաժամի լուծում գտնելու մեր ջանքերի միջնամասում ենք»:
