Բրյուսելի օդանավակայանը ապրիլի 3-ին կվերականգնի աշխատանքը, հայտնում է Gazeta-ն` վկայակոչելով Reuters-ին:
Նշվում է, որ օդանավակայանը մասամբ կվերականգնի աշխատանքը:
Մարտի 22-ին Բրյուսելում երեք պայթյուն է տեղի ունեցել, երկուսը` օդանավակայանում եւ մեկը` մետրոյում: Ավելի քան 30 մարդ զոհվել է, ավելի քան 300-ը վնասվածքներ է ստացել: Ահաբեկչական գործողությունների համար պատասխանատվությունը ստանձնել է ահաբեկչական «Իսլամական պետություն» խմբավորումը:
