Ամերիկացի գրող, կատարող և կոմպոզիտոր Բոբ Դիլանը երկու շաբաթ անց առաջին անգամ մեկնաբանել է իրեն շնորհված Նոբելյան մրցանակի հանձնումը: Այս մասին հայտնում է BBC-ն:
«Նոբելյան մրցանակին արժանանալու լուրն ինձ շատ էր ցնցել: Արդյոք ես ընդունո՞ւմ եմ այդ մրցանակը. իհարկե այո», — Շվեդիայի ակադեմիայի ներկայացուցչի հետ զրույցում ասել է Դիլանը:
Ինչպես արդեն տեղեկացրել էինք, Նոբելյան կոմիտեի պաշտոնական ներկայացուցչին օրեր շարունակ չէր հաջողվում անձամբ զրուցել ամերիկացի երաժշտի հետ և տեղեկացնել նրան, որ նա արժանացել է գրականության ասպարեզում Նոբելյան մրցանակի:
Հիշեցնենք, որ հոկտեմբերի 13-ին գրականության ասպարեզում Նոբելյան մրցանակի դափնեկիր է դարձել ամերիկացի գրող և երաժիշտ Բոբ Դիլանը:
