Իսպանիայի Գավաթի եզրափակչի լրացուցիչ ժամանակում կատալոնական «Բարսելոնան» 2:0 հաշվով հաղթել է «Սևիլիային»:
Այդպիսով` կատալոնական ակումբը պատմության մեջ 28-րդ անգամ նվաճեց այս տիտղոսը: Միաժամանակ երկրորդ տարի անընդմեջ «Բարսելոնային» հաջողվեց «Ոսկե դուբլ» ձևակերպել՝ դառնալով Իսպանիայի առաջնության հաղթող ու Իսպանիայի գավաթակիր:
Ընդհանուր առմամբ կատալոնական ակումբին 7 անգամ է հաջողվել նույն մրցաշրջանում հաղթել և՛ առաջնությունում, և՛ գավաթի խաղարկությունում, ինչը ռեկորդային ցուցանիշ է:
