ՄԱԿ-ի գլխավոր քարտուղար Բան Կի Մունը բոլոր հակամարտությունների մասնակիցներին կոչ է արել Խաղաղության միջազգային օրը, որը նշվում է սեպտեմբերի 21-ին, դադարեցնել մարտական գործողությունները հաղորդում է Lenta.ru-ն:
«Եկեք Խաղաղության միջազգային օրը վերածենք առանց բռնության, ներման օրվա: Եթե մեկ օր կարողանանք ապրել խաղաղության մեջ, առանց ագրեսիայի ու թշնամանքի, ապա կարելի է պատկերացնել, թե ինչի կարող ենք էլի հասնել»:
Սեպտեմբերի 21-ին Բան Կի Մունը Գլխավոր ասամբլեայի 70-րդ նստաշրջանի նախագահ Մոգենս Լյուկետոֆտի ու խաղաղության դեսպանորդ Մայքլ Դուգլասի ու Ջեյն Գուդոլի հետ կմասնակցեն «Խաղաղության զանգի» հանդիսավոր ժամահարությանը, որը տեղադրված է Համաշխարհային կազմակերպության քարտուղարության շենքին հարող պուրակում:
116-կգ-անոց զանգը ՄԱԿ-ին է նվիրել Ճապոնիան, 1954-ին: Այն ձուլված է Փարիզում, 1951-ին տեղի ունեցած 13-րդ Գլխավոր համաժողովի 60 անդամ-երկրների նվիրաբերած կոպեկներից:
