Արցախի Հանրապետության Նախագահ Բակո Սահակյանը մարտի 22-ին այցելել է Շուշի քաղաք և տեղում ծանոթացել Մշակույթի կենտրոնի վերակառուցման աշխատանքներին:
Այս մասին տեղեկացնում են Արցախի Հանրապետության Նախագահի աշխատակազմի տեղեկատվության գլխավոր վարչությունից:
Նախագահ Սահակյանն ընդգծել է այս մշակութային օջախը նախատեսված ժամկետներում ավարտին հասցնելու կարևորությունը և աշխատանքների բարձր որակի խստիվ պահպանման հրամայականը:
