Ադրբեջանական Turan լրատվական գործակալության փոխանցմամբ՝ հոկտեմբերի 2-ին Հռոմի պապ Ֆրանցիսկոսը ժամանելու է Բաքու: Նա Բաքու կժամանի Թբիլիսիից, ուր նա մեկնելու է սեպտեմբերի 30-ին: Այդ մասին հայտնել է Վատիկանի մամլո ծառայությունը:
Ծրագրի համաձայն՝ Հռոմի պապը հոկտեմբերի 2-ին պատարագ կմատուցի Բաքվում:
Դրանից հետո Հռոմի պապը հանդիպումներ կունենա Ադրբեջանի նախագահ Իլհամ Ալիևի, Ադրբեջանի մուսուլմանական, ուղղափառ ու հրեական համայնքների առաջնորդների հետ: Ընդգծվում է, որ Ֆրանցիսկոսը Վրաստանում կմնա ավելի քան 2 օր, իսկ Ադրբեջանում՝ մեկ օրից էլ պակաս:
