Այսօր Բաքվի Նասիմինի շրջանի դատարանը երկարաձգել է Ադրբեջանում ազատազրկված բլոգեր Ալեքսանդր Լապշինի կալանքի ժամկետը: Այս մասին հայտնում է Report-ը:
Դատարանը բավարարեց քննչական մարմինների հայցը՝ Լապշինի կալանքի ժամկետը երկարաձգելով ևս 3 ամսով:
Հիշեցնենք, որ բլոգեր Լապշինը Բելառուսում ձերբակալվել էր 2016-ի դեկտեմբերի 16-ին Ադրբեջանի պահանջով, և արտահանձնվել Բաքվին 2017 թվականի փետրվարի 7-ին: Բաքվի վարկածի համաձայն՝ Լապշինն առանց ադրբեջանական կողմի պաշտոնական թույլտվության 2011թ-ի ապրիլին և 2012թ-ի հոկտեմբերին ապօրինի կերպով Ղարաբաղ է այցելել՝ խախտելով Ադրբեջանի հանրապետության պետական սահմանի մասին և Անձնագրերի մասին օրենքները: Իր բլոգում 2016թ-ի ապրիլի 6-ին և հունիսի 29-ին Լապշինը կոչ է արել ճանաչել Լեռնային Ղարաբաղի Հանրապետության անկախությունը:
