Աժ դիմաց բողոքի ցույց կազմակերպած առևտրականները քիչ առաջ փակել էին Աժ Դեմիրճյան փողոցի մուտքը: Նրանց այդ ընթացքում մոտեցան ԲՀԿ-ական պատգամավորներ Միքայել Մելքումյանը, Տիգրան Ուրիխանյանը Վահե Էնֆիաջյանը և ՀԱԿ պատգամավոր Արամ Մանուկյանը:
Միքայել Մելքումյանը ցուցարարների հետ զրույցում ասաց, որ իրենք երկու նոր օրենսդրական առաջարկ են մշակում և կփորձեն քննարկել դրանք` Աժ արտահերթ նիստի ժամանակ:
Առաջարկների մեջ ներառվել է վաճառողների իրավունքը` կամավորության սկզբունքով ընտրելու շրջանառության հարկի նախորդ կամ նոր տեսակը:
Արամ Մանուկյանը ցուցարարներին ասաց, որ իրենք կփորձեն Աժ-ում բարձրացնել իրենց հարցերը, միայն թե իրենք շարունակեն պահել իրենց ճնշումը:
