Թուրքիայի նախագահ Ռեջեփ Թայիպ Էրդողանը կոչ է արել բոլոր կուսակցություններին՝ գործել ընտրություններից հետո ստեղծված քաղաքական նոր պայմաններում : Այս մասին ասվում է Էրդողանի գրասենյակի կողմից տարածված գրավոր հաղորդագրության մեջ:
«Մեր ազգի կարծիքը վեր է ամեն ինչից: Վստահ եմ, որ նախընտրական քարոզարշավին մասնակցած կուսակցությունները բանական կերպով իրատեսորեն են գնահատում ստեղծված իրավիճակը, որը ոչ մեկին հնարավորություն չի տալիս կառավարություն ձևավորել», — ասել է նա:
Հիշեցնենք, որ այս ընտրություններում Էրդողանի կուսակցությունը զրկվել է միայնակ կառավարություն ձևավորելու հնարավորությունից:
