ՊՍԺ-ի ֆուտբոլիստ Զլատան Իբրահիմովիչը Ֆրանսիայի առաջնության 29-րդ տուրում դժգոհ է մնացել մրցավարությունից։ 33-ամյա ֆուտբոլիստն ասել է, որ իր երկարատև կարիերայի ընթացքում նման մրցավարություն չի տեսել։
«Կարիերայիս 15 տարիների ընթացքում ես նման մրցավար չէի տեսել։ Այս անիծված երկիրն արժանի չէ այնպիսի թիմի, ինչպիսին ՊՍԺ-ն է», — ասել է նա։ Այս մասին հաղորդում է Le Figaro Sport-ը։
Ավելի ուշ, Իբրահիմովիչը ներողություն է խնդրել իր այս արտահայտության համար՝ նշելով, որ իր խոսքերն ուղղված չեն եղել Ֆրանսիայի դեմ, ինքը պարզապես գնահատել է մրցավարությունը։
