Կառավարության նիստում հավանություն տրվեց ավտոմաքսատունը Երևանից Գյումրի տեղափոխելու նախագծին:
Մաքսատան ստեղծման համար հատկացվելու է Գյումրիում պաշտպանության նախարարության ենթակայության ներքո գտնվող 21.5 հեկտար մակերեսով տարածքը: Գյումրիում այս կենտրոնի ստեղծման համար անհրաժեշտ է 181 միլիոն դրամ։
«Սպասվում է մեքենաների ներկրման աննախադեպ մեծ ծավալ ԵԱՏՄ անդամ չհանդիսացող պետություններից, այդ պատճառով շատ հրատապ և շատ արագ ձեռնարկել ենք այս նախագիծը»,- ասաց ՊԵԿ նախագահ Դավիթ Անանյանը:
Հիշեցնենք՝ վարչապետ Նիկոլ Փաշինյանը այս տարվա ապրիլի 9-ին Նորագավիթի ավտոմաքսատուն այցից հետո ՊԵԿ նախագահին հանձնարարել էր միջոցներ ձեռնարկել ավտոմաքսատունը Երեւանից Գյումրի տեղափոխել, քանի որ պայմանները բարվոք չէին եղել:
