2016 թվականի մարտի 2-ին Լոռու մարզի ընդհանուր իրավասության դատարանում, նախագահությամբ՝ Վ. Հովնանյանի, շարունակվեց «Ավան հոգեկան առողջության կենտրոն ՓԲԸ-ը՝ ընդդեմ ՀՔԱ Վանաձորի գրասենյակի և Ժուլետա Ամարիկյանի գործով» դատաքննությունը:
Այս դատական նիստին ներկայացել էին հայցվոր կողմի ներկայացուցիչ, փաստաբան Է. Բադեմյանը և Կենտրոնի տնօրեն Ա. Հակոբյանը, պատասխանող ՀՔԱ Վանաձորի գրասենյակի ներկայացուցիչ փաստաբան Ա. Զալյանը, գործով ներգրավված վկաներ Դ. Խաչատրյանը, Մ. Ներսիսյանը և Ա. Հարությունյանը:
Դատական նիստին չէին ներկայացել պատասխանող Ժ. Ամարիկյանը և գործով ինքնուրույն պահանջ չներկայացրած երրորդ կողմ «Ազատություն» ռադիոկայանի ներկայացուցիչը:
Հաշվի առնելով վերջիններիս՝ պատշաճ կարգով ծանուցված լինելը՝ կողմերը չառարկեցին նրանց բացակայությամբ նիստը շարունակելուն:
Դատական նիստի սկզբում քննարկվեց պատասխանող կողմի ներկայացրած միջնորդությունը՝ հայցային վաղեմություն կիրառելու վերաբերյալ. հիշեցնենք, որ հայցվոր կողմը դատարան հայց էր ներկայացրել օրենքով նախատեսված ժամկետների խախտմամբ:
Հայցվոր Է. Բադեմյանը խնդրեց մերժել ներկայացված միջնորդությունը՝ պատճառաբանելով, որ ժամկետների խախտումը տեղի է ունեցել փոստային առաքման հետ կապված տեխնիկական խնդիրների պատճառով, ինչին Դատարանը հակադարձեց՝ պահանջելով տրամադրել ապացույցներ՝ հայցադիմումը փոստ ներկայացնելու ժամկետների վերաբերյալ: Հայցվոր կողմը չուներ նման ապացույցներ:
Պատասխանող կողմի ներկայացուցիչ Ա. Զալյանը անհրաժեշտ համարեց հիշեցնել, որ օրենսդրության չիմացությունը չի ազատում պարտավորություններից, և հայցվոր կողմը պարտավոր էր օրենսդրությամբ նախատեսված ժամկետներում ներկայացնել հայցադիմումը, առավել ևս, որ վերջինս օգտվում է փաստաբանական ծառայություններից:
Դատարանն անցավ վկաների հարցաքննությանը:
Ամբողջական հոդվածը կարող եք կարդալ այստեղ՝ http://hcav.am/events/
Հելսինկյան Քաղաքացիական Ասամբլեայի Վանաձորի գրասենյակ
