Ինչպես գիտենք, սեպտեմբերի 16-ին Նորքի ինֆեկցիոն հիվանդանոցից փախուստի էր դիմել ՀՀ ԱՆ «Նուբարաշեն» ՔԿ հիմնարկի կալանավոր, նախկինում դատված Սուրեն Գաբրիելյանը:
Կալանավորը ներկայումս մեղադրվում է ՀՀ քրեական օրենսգրքի 325-րդ հոդվածի 2-րդ մասի 1-ին կետով, 178-րդ հոդվածի 3-րդ մասի 1-ին կետով, 190-րդ հոդվածի 2-րդ մասի 2-րդ կետով և 3-րդ մասի 1-ին կետով:
Նշանակվել է ծառայողական քննություն:
Փաստի առթիվ նախապատրաստվում են նյութեր:
Araratnews.am-ի աղբյուրները փոխանցում են, որ երեկ աշխատանքից ազատվել է Կալանավայրերի վարչության հատուկ նշանակության բաժնի պետ Զորիկ Արզումանյանը: Ըստ էության, Արզումանյանն ազատվել է աշխատանքից վերջերս կալանավայրից փախուստի դիմած կալանավորի պատճառով:
Արմեն Մկրտչյան
