ՀՀ Կառավարության այսօրվա նիստում վարչապետ Կարեն Կարապետյանը Հանրային ծառայությունները կարգավորող հանձնաժողովին, Էներգետիկայի եւ բնական պաշարների, ինչպես նաեւ աշխատանքի եւ սոցիալական հարցերի նախարարներին հանձնարարեց աշխատանք տանել գազի եւ էլեկտրաէներգիայի սակագների վերանայման ուղղությամբ: «Խոսքը ինչի՞ն է վերաբերում` մաքսիմալ նվազեցնել սոցիալապես անապահովների սակագնային խթանիչ ազդեցությունը բիզնեսի համար, հատկապես գյուղատնտեսության եւ վերամշակող ճյուղերի համար»,- ասաց Կարեն Կարապետյանը:
Նորանշանակ վարչապետի խոսքով` այս ամենը պետք է արվի ոչ թե ի հաշիվ բյուջեի, այլ ի հաշիվ այն տնտեսավարողների, ովքեր այլ ծառայություններ են մատուցում:
