Այս սննդակարգը բավական հավասարակշռված է, հագեցնող և խիստ դրական արդյունք է ապահովում` մեկ շաբաթում 3-6 կգ:
Դուք թեթևություն կզգաք, մաշկը կմաքրվի: Չարժի շատ միջոցներ, ժամանակ և ուժեր վատնել անհրաժեշտ կերակուր պատրաստելու վրա:
Այս սննդակարգը ներառում է երեք մթերք` վարսակ, կաթնաշոռ և խնձոր: Սրանք նիհարելու համար արդյունավետ միջոցներ են. վարսակը հարուստ է բջջանյութով, որը նպաստում է աղիների աշխատանքի կարգավորմանը, և բարդ ածխաջրերով, որոնք երկար ժամանակ ապահովում են հագեցվածության զգացում: Խնձորը վիտամինների և հանքային նյութերի աղբյուր է, հարուստ պեկտիններով, որոնք նպաստում են օրգանիզմը մաքրելուն, դուրս են բերում խոլեստերինը: Կաթնաշոռը (գնեք անյուղը, 4%-ից ոչ ավելի յուղայնությամբ) ճարպաթթուների և հեշտ յուրացվող սպիտակուցների աղբյուր է:
Ամեն օրվա ճաշացանկ
Նախաճաշ` մի բաժին վարսակ, 2 խնձոր:
Ճաշ` մի բաժին վարսակ, կարելի է ավելացնել 1 թեյի գդալ մեղր կամ շաքար, 3 խնձոր, 100 գ կաթնաշոռ:
Ընթրիք` 4 խնձոր, 200 գ կաթնաշոռ:
Օրվա ընթացքում խմեք խոտաբույսերի թուրմեր, ոչ գազավորված ջուր, թեյեր:
Ի լրումն սննդակարգի հիմնական ճաշացանկի` կարելի է ավելացնել 300 գ բանջարեղեն: Խորհուրդ ենք տալիս բանջարեղենն ուտել հետճաշին:
Սննդի օրաբաժնում կարող եք ավելացնել նաև անյուղ կաթ (կամ կաթնաթթվային ըմպելիք):
Նման սննդակարգի տևողությունն է 7-10 օր: Մեկ ամսից սննդակարգը կարելի է կրկնել:
