Ամեն օր մեր մազերը տուժում են շրջակա միջավայրի կործանարար ազդեցությունից: Ինչպես նաև մազերը ներկելը, վարսահարդարիչ օգտագործելը և մազերն ուղղելը օգուտ չեն տալիս:
Մազերի փայլը վերադարձնելուն և մազերն ամրացնելուն կօգնեն տնային դիմակները, սրանք իրոք հիանալի և գործուն այլընտրանք են:
Այսօր ձեզ ենք ներկայացնում խտացված վիտամինային ռումբ: Սա համապարփակ դիմակ է բոլոր տեսակի մազերի համար: Այն արագացնում է մազերի աճը, ամրացնում է այն և ակտիվացնում քնած մազային կոճղեզները:
Բաղադրիչները
- 1 սրվակ վիտամին B6
- 1 սրվակ վիտամին B12
- 1 սրվակ վիտամին B1
- 5 մլ հալվեի (алоэ) մզվածք
- 1 ճաշի գդալ մազերի համար բալզամ
Պատրաստումը
Ավելացրեք դեղատնային բաղադրիչները բալզամին և խնամքով խառնեք:
Դիմակից մի փոքր մաս քսեք նախադաստակին, որպեսզի համոզվեք, որ ալերգիկ ռեակցիան բացակայում է:
Եթե 10 րոպեից այրոց չի եղել, և քսած տեղում կարմրություն չի առաջացել, կարող եք համարձակ դիմակը քսել մազերին: Եթե մազերը երկար են, բալզամի քանակը կարելի է ավելացնել:
Գործածումը
Դիմակը քսելուց առաջ 5 րոպե մազերը սանրեք խիտ խոզանակով: Նման մերսումն ուժեղացնում է արյան շրջանառությունը մաշկածածկույթում:
Լվացեք գլուխը սովորական շամպունով և մազերը չորացրեք սրբիչով: Դիմակը քսելուց առաջ մազերը շատ խոնավ չպետք է լինեն:
Քսեք դիմակը և հատուկ գլխարկ դրեք, եթե չունեք, ապա կարելի է գլուխը փաթաթել սննդի թաղանթով:
Գլուխը փաթաթեք սրբիչով և սպասեք 20-30 րոպե, որից հետո դիմակը պետք է լվանալ գոլ ջրով:
Մազերը միանգամից մի սանրեք, թողեք ինքնուրույն չորանան:
Դիմակը շատ լավ լվացվում է նրա բաղադրության մեջ մտնող բալզամի շնորհիվ:
Գործողությունը կարելի է հերթագայել բնական յուղեր և այլ բնական միջոցներ քսելու հետ, և ձեր մազերը երախտապարտ կլինեն հոյակապ գեղեցկությամբ:
Այս դիմակից կարելի է օգտվել կանոնավորապես, շաբաթական երկու անգամ` 1-2 ամսվա ընթացքում (կախված մազերի վնասվածության աստիճանից):
Կուրսը կարելի է կրկնել 3 ամսից:
