Ժողովրդական բժշկությունն օգնում է այս կամ այն հիվանդության ավելի արդյունավետ բուժմանը։ Հիմնական բուժում նշանակում է միայն բժիշկը։
Ամեն դեպքում, առաջարկում ենք միջոցներ, որոնք օգնության կհասնեն նրանց, ում անհանգստացնում է թութքը։
Կաղամբի թերթիկը լավ լվանալ չորացնել, գրտնակել՝ հյութը դուրս գալու համար եւ դնել թութքի վրա։ 15 րոպե թողնելուց հետո հանել այն եւ քսել ցավազրկող քսուկ։ Այս գործողությունը պետք է անել ամեն օր՝ մեկ ամսվա ընթացքում։
1 հատ ճակնդեղը եփել 1 ժամ, սառեցնել սառը ջրի տակ։ Կեղեւահանել եւ կտրատել ոչ մեծ կտորներով։ Ուտել օրը 3 անգամ՝ մեկ կտոր։ Այն բավականն թեթեւացնում է հիվանդի վիճակը։
Սննդակարգից պետք է բացառել կծու, թթու, աղի եւ տապակած կերակուրները եւ շատ հեղուկ օգտագործել։
Թութքի բուժման լավ միջոց է նաեւ հում կարտոֆիլը։ Կարտոֆիլը մաքրել, կտրատել 3սմ x 1 սմ ձողիկների տեսքով եւ օրը 2-3 անգամ տեղադրել ուղիղ աղիքի մեջ։
Թութքի սրացմանը շատ հանգստացնում է լոգանքը՝ երիցուկի թուրմով։
Քանի որ թութքին խիստ հակացուցված են փորկապությունն ու փորլուծությունը, պետք է՝
— փորկապության դեպքում օրը 2-3 անգամ ուտել 5 գրամ եղինջի սերմի փոշի, վրայից խմելով 1 ճաշի գդալ բուսական յուղ։
— փորլուծության ժամանակ՝ կես թեյի գդալ կանաչ կամ սեւ թեյը լավ ծամել՝ վրայից խմելով 2-3 կում ջուր։
