Արտաշես Նազարյանն ազատվել է սպորտի և երիտասարդության հարցերի փոխնախարարի պաշտոնից

ՀՀ վարչապետ Կարեն Կարապետյանի որոշմամբ Արտաշես Նազարյանն ազատվել է Հայաստանի Հանրապետության սպորտի և երիտասարդության հարցերի նախարարի տեղակալի պաշտոնից՝ իր դիմումի համաձայն։

Այս մասին հայտնում են ՀՀ կառավարության լրատվական ծառայությունից։

«Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝
Արտաշես Նազարյանին ազատել Հայաստանի Հանրապետության սպորտի և երիտասարդության հարցերի նախարարի տեղակալի պաշտոնից՝ իր դիմումի համաձայն»,-ասվում է որոշման մեջ։