Երեկ մամուլում տարածվեց տեղեկություն, ըստ որի «Էյր Արմենիա» ավիաընկերության տնօրեն Արսեն Ավետիսյանն ընդունել է ՀՖՖ նախագահ Ռուբեն Հայրապետյանի հաշտության առաջարկը:
Araratnews.am-ը կապ է հաստատել Արսեն Ավետիսյանի կնոջ` Իզաբելլա Մելքումյանի հետ, պարզելու, թե ինչո՞վ էր պայմանավորված նման որոշումը բարձրացված աղմուկից հետո:
«Կան դեպքեր, երբ ներողամտությունը ավելի լավ արդյունքի կարող է բերել»,- մեզ հետ զրույցում ասաց Իզաբելլա Մելքումյանը:
«Ես էլ եմ հուսով, որ մեր երկրում նման բաներ էլ չեն լինի: Նույնիսկ լինում են դեպքեր, երբ պատժվում են ոչ այն մարդիկ, որոնք պետք է պատժվեին: Կարծում եմ` այստեղ խնդիրը պատժելու մեջ չէ: Մենք` որպես այս երկրի քաղաքացի, պետք է մեզ պաշտպանված զգանք մեր երկրում»,- ասաց նա:
