Արփինե Հովհաննիսյանի աշխատավարձը կբարձրանա. Նիկոլ Փաշինյանի խորհրդական

ՀՀ վարչապետի պաշտոնակատար Նիկոլ Փաշինյանի  հասարակական հիմունքով խորհրդական Մեսրոպ Առաքելյանը «Ֆեյսբուքի» իր էջում գրել է.

«ՀՀԿ-ն շարունակում է տնտեսական թեմաներով մանիպուլյացիաները ոչ տնտեսագետների կողմից: Արփինե Հովհաննիսյանն ասում է, որ եկամտային հարկի նվազեցումը չի տարածվում ցածր եկամուտ ստացողների վրա:

1. Հարկային օրենսգրքի փոփոխությունների նախագծով նախատեսվում է եկամտային հարկի դրույքաչափը սահմանել 23% և չորս տարվա ընթացքում նվազեցնել մինչև 20%: Բոլորի համար սահմանվելու է 20% եկամտային հարկ, որը աննախադեպ ցածր դրույքաչափ է:

2. Այս տարվա հուլիսից նվազեցվել է պարտադիր կուտակային վճարի դրույքաչափը 2,5%-ով բոլոր աշխատակիցների համար, ինչը նշանակում է, որ բոլորի տնօրինվող եկամուտը արդեն բարձրացել է:

3. Այո՛, մինչև 150.000 դրամ աշխատավարձ ստացողների համար եկամտային հարկը չի նվազելու: ՀՀԿ իշխանության շնորհիվ է, որ 200.000 հոգի նման ցածր աշխատավարձ են ստանում, մեր նպատակը ոչ թե ամրագրել այդ խավին որպես աղքատներ և հարկերը նվազեցնել կամ արտոնություններ տալն է, այլ ստեղծել հնարավորություն ավելի բարձր եկամուտ վաստակելու:

4. Փոփոխությունների շնորհիվ բարձրանալու է նաև ԵՊՀ դասախոս Արփինե Հովհաննիսյանի աշխատավարձը: