Ինչպես արդեն տեղեկացրել եմք,երեկ ԽՍՀՄ ժողովրդական արտիստ Արմեն Ջիգարխանյանը հոսպիտալացվել է Սկլիֆոսովսկու անվան ինստիտուտ, նա գտնվում է վերակենդանացման բաժանմունքում:
Այսօր ինստիտուտի տեղեկատվական ծառայությունից RIA Novosti-ն հայտնել են, որ նրա վիճակը ծանր է:
«…Վիճակը ծանր է, նա վերակենդանացման բաժանմունքում է»,- ասել են տեղեկատվական կենտրոնում:
Արմեն Ջիգարխանյանի ընտանիքում, սակայն, հերքում են դերասանի ծանր վիճակի մասին ԶԼՄ-ների հաղորդագրությունները: Այդ մասին ТАСС-ին հայտնել է Արմեն Ջիգարխանյանի ղեկավարությամբ գործող Մոսկվայի դրամատիկական թատրոնի գլխավոր տնօրեն, դերասանի կին Վիտալինա Ցիմբալյուկ-Ռոմանովսկայան:
