Բրիտանիայի արքայազն Ուիլյամը Angry Birds խաղի ստեղծողներ Rovio Entertainment ընկերության միջոցով այսօր կթողարկի նոր խաղ, որի նպատակն է ցուցադրել որսագողության բացասական հետևանքները։
Այն կոչվում է Roll with the Pangolins՝ Գլորվիր պանգոլինների հետ։ Սրանք կաթնասուններ են, որոնք կծիկ են դառնում վտանգի դեպքում։ Որսագողերը այս կենդանիներին սպանում են մսի և թեփուկների համար, որոնք օգտագործվում են բժշկության մեջ։
Այս կենդանիները գտնվում են ոչնչացման եզրին, քանի որ վերջին 10 տարում անօրինական վաճառվել է մեկ միլիոն պանգոլին։
Խաղը հասանելի կլինի Angry Birds խաղի 200 միլիոն սիրահարներին։
