Չնայած նախորդ գիշեր գրանցված ու առաջիկա գիշերը կանխատեսվող ջերմաստիճանի անկմանը, ՏԿԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը կարծում է, որ 2016-ի հունվարն ամենատաք հունվարիներից էր: Այս գիշեր, ի դեպ, օդերևութաբանները լեռնային շրջաններում մինչև 33 , իսկ Արարատյան դաշտում՝ մինչև 20 աստիճան ցուրտ են կանխատեսել: Մինչև փետրվարի մեկը ջերմաստիճանը կբարձրանա 8-10 աստիճանով, առաջիկա հինգ օրվա ընթացքում հիմնականում առանց տեղումների եղանակ է կանխատեսվում: ՏԿ և ԱԻՆ ճգնաժամային կառավարման կենտրոնի պետ, փրկարար ծառայության գնդապետ Հովհաննես Խանգելդյանը հորդորում է անպայման հետևել եղանակային կանխատեսումներին ու ճանապարհների վիճակի մասին տրվող հաղորդագրություններին:
Ծանոթանալ եղանակային կանխատեսումներին, ճանապարհների վիճակին, հետո միայն դուրս գալ տանից: Վաղուց արդեն ժամանակն է, որպեսզի մեր քաղաքացիները հատկապես ձմռանն ու հատկապես առավել վտանգավոր ճանապարհներով երթևեկելիս իրազեկված լինեն, այժմ, ի դեպ,նման տեղեկատվություն ստանալն ավելի հեշտ ու հասանելի է:
ՏԿ և ԱԻՆ ճգնաժամային կառավարման կենտրոնի պետ, փրկարար ծառայության գնդապետ Հովհաննես Խանգելդյանը թերևս հորդորում է առաջնորդվել «ով իրազեկ է, նա պաշտպանված է» սկզբունքով: Առանց այդ էլ տարին սկսվեց առատ տեղումներով ու արտակարգ պատահարներով՝ փլուզումներ, արգելափակումներ, ճանապարհային պատահարներ, թիվն անցած տավա նույն ժամանակահատվածի համեմատ ավելացել է, զոհերի թիվը՝ նվազել: Մանրամասները ՏԿ և ԱԻՆ ճգնաժամային կառավարման կենտրոնի պետ, փրկարար ծառայության գնդապետ Հովհաննես Խանգելդյանն է փոխանցում.«Մենք մոտ տասն անգամ ավելի շատ արձագանքում ենք արել, քան անցյալ տարի նույն ժամանակահատվածում: Սա աննախադեպ ցուցանիշ է, միայն դեկտեմբերի 31-ից հունվարի յոթն ընկած ժամանակահատվածում մենք ավելի շատ սպասարկում իրականցրեցինք, քան անցյալ տարվա հունվար ապրիլ ժամանակում: Սա բավականին լուրջ բեռնվածք է»:
Տարվա սկիզբն այնքան ծանրաբեռնված ու լարված էր, որ սովորաբար հումորային կանչերի ու ահազանգերի մասին բարձրաձանող Խանգելդյանն անգամ այս մասին դժվարացավ խոսել:
Առաջիկա գիշերը հունվարյան ամենացուրտն գիշերն է լինելու,- ասում է ՏԿԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանն ու տեղեկացնում՝ լեռնային շրջաններում կանխատեսվում է մինչև 33 աստիճան ցուրտ, իսկ Արարատյան դաշտում՝ մինչև 20 աստիճան ցուրտ: Մինչև փետրվարի մեկը ջերմաստիճանը կբարձրանա 8-10 աստիճանով, առաջիկա հինգ օրվա ընթացքում հիմնականում առանց տեղումների եղանակ է կանխատեսվում: Ի դեպ, անցնող գիշերվա ընթացքում ջերմաստիճանն արդեն սկսել է նվազել: Չնայած վերջին օրերի ջերմաստիճանի անկմանը, Գագիկ Սուրենյանը չի կարծում, որ այս տարվա հունվարն ամենացուրտն է, ավելին, նրա դիտարկմամբ, սա ամենատաք հունվարներից է.
«Հունվարը ցուրտ չէ, ընդհակառակը սա դասվում է մեր ամենատաք հունվարների շարքին, եթե մեկ-երկու օր ջերմաստիճանը նվազում է, սա չի կարելի ասել, ու հունվարը ցուրտ է: Ամբողջ ամսվա ընթացքում երկու օր է, որ ջերաստիճանը ցածր է, իսկ ողջ ամսվա ընթացքում գրանցվել է շատ բարձր ջերաստիճաններ՝ տարվա այդ ժամանակահատվածի համար»:
ՏԿ և ԱԻՆ ճգնաժամային կառավարման կենտրոնի պետ, փրկարար ծառայության գնդապետ Հովհաննես Խանգելդյանը հորդորում է առավել ուշադիր լինել ջրագծերի նկատմամբ, պահպանել տրանսպորտային միջոցների շահագործման անվտանգության կանոնները: Հնամաշ մեքենաներով չերթևեկել: Երթևեկել միայն ձմեռային անվադողերով: Առողջապահության ոլորտի պատասխանատուները հորդորում են առանց գլխարկի տանից դուրս չգալ:
Ես մեկ հորդոր ու կոչ ՝ այս անգամ ՀՀ գյուղատնտեսության նախարարությունից: Այս օրերին պետք է առավել ուշադիր լինեն ջերմոցատերերը, նրանց մասնագետները զգոնության կոչ են անում, հատկապես՝ ջերմատներում, սինթետիկ թաղանթների տակ մշակվող գյուղատնտեսական մշակաբույսերի ու սածիլների, պահեստներում, նկուղներում, մառաններում պահպանվող կարտոֆիլի տնկանյութը, բանջարեղեններն ու պտուղները ցրտահարությունից պաշտպանելու համար խորհուրդ է տրվում ՝ անհրաժեշտության դեպքում այլընտրանքային ջեռուցման կազմակերպման համար լրացուցիչ միջոցներ ձեռնարկել:
armradio.am
