Apple Inc. ընկերությունը պաշտպանել է 6-րդ սերնդի իր խելախոսները՝ նշելով, որ iPhone-երի ճկվելու փաստերը, ինչից բողոքում էին օգտատերերը, շատ հազվադեպ են։ Այս մասին հաղորդում է Interfax գործակալությունը։
Ըստ ընկերության՝ խելախոսների կառուցվածքը համապատասխանում է ամենաբարձր չափանիշներին։ Այս ընթացքում ավելի քան 10 միլիոն վաճառված խելախոսներից նման խնդիրներ են ունեցել 9-ը։
Մինչդեռ այս խնդիրը լայն արձագանք է գտել ամբողջ աշխարհում և սոցցանցերում ստացել է #bendgate անվանումը՝ հանրահայտ Ուոթերգեյթի սկանդալին համահունչ։
Apple-ը նույնիսկ տեսանյութ է տեղադրել, թե ինչպես են պատրաստվում իր բջջային սարքերը։
