Ռիո դե Ժանեյրոյում բացվել է Լատինական Ամերիկայում Apple ընկերության առաջին ֆիրմային խանութը։ Այս մասին հայտնում է «ԻՏԱՐ-ՏԱՍՍ»-ը։
Այսպիսով, Բրազիլիան դարձել է 15-րդ երկիրը, որտեղ հանրահայտ ընկերությունն ինքն է զբաղվում սեփական արտադրանքի իրացմամբ։
Նշվում է, որ iPhone 5S սմարթֆոնի գինը նոր խանութում 1169 դոլար է, որն ի տարբերություն այլ երկրների մյուս խանութներում վաճառվող սմարթֆոնների՝ ամենաթանկը կլինի։ Մասնավորապես, Չինաստանում iPhone 5S-ի գինը 872 դոլար է, իսկ ԱՄՆ-ում՝ 649 դոլար։
