Եվրո-2016-ի ընտրական փուլի վերջին տուրում Ալբանիայից կրած 0:3 հաշվով պարտությունից հետո Հայաստանի հավաքականի գլխավոր մարզիչ Սարգիս Հովսեփյանը ներկայացավ ետխաղյա ասուլիսին։
«Չեմ ցանկանում երկարեցնել. կարճ հայտարարություն անեմ: Այնքան վատ էր ամեն ինչ… մեղավորը ես եմ: Սա ֆուտբոլ է. այսօր խաղադաշտում միայն Ալբանիան էր: Ոչ մի լավ բան չտեսա. բոլորս վատ էինք: Անթասիբ ֆուտբոլ խաղացինք: Դժվար է մարզչի համար այսպիսի հանդիպումից հետո. հասկանում ենք, որ պատասխանատվություն է:
Երևի շատ վատ աշխատեցինք… բայց ինչքան ցանկություն կար, հնարավորություն կար, փորձում էի օգնել. ցավոք՝ չկարողացա: Լավ խաղեր եղան, սակայն այս հանդիպումն ամեն ինչ ջնջեց»,-ասաց նա։
