Բեյրութում, օգոստոսի 23-ին, երեկոյան, բազմահազարանոց ցույցի մասնակիցները ոստիկանության հետ են ընդհարվել, հաղորդել է РИА Новости-ն:
Ցուցարարները հավաքվել են լիբանանյան մայրաքաղաքի կենտրոնում, կառավարական համալիրի մոտ ու պահանջել վարչապետ Թամամ Սալամի հրաժարականը: Պատճառը Բեյրութի փողոցներում աղբահավաքության կազմակերպման խնդիրն է:
Երբ մասնակիցները շարժվել են դեպի կառավարության շենք, ոստիկանությունն ացունքաբեր գազ, ջրցան ու այլ միջոցներ է կիրառել ցուցարարներին ցրելու համար: Սակայն, դա չի օգնել ու, ցուցարարները փորձել են ճեղքել ոստիկանական պատնեշը, ինչին հետևել են կրակոցները:
Առնվազն 30 մարդ է վիրավորվել, իսկ վերջին տեղեությունների համաձայն, կա մեկ զոհ:
