ՀՀ մարդու իրավունքների պաշտպանի գրասենյակը նախընտրական քարոզարշավի առաջին երեք օրերի ընթացքում արդեն իսկ խախտումներ է արձանագրել:
Այս մասին լրագրողների հետ զրույցում ասաց ՀՀ մարդու իրավունքների պաշտպան Արման Թաթոյանը: «Ամփոփում ենք նախընտրական քարոզարշավի 3 օրերը և արդեն իսկ արձանագրել ենք խախտումներ: Ցավոք, վիրավորանքի, այլատյացության աճ ենք նկատում: Սա համարում եմ մտահոգիչ»,- ասաց Արման Թաթոյանը:
ՄԻՊ-ի խոսքով՝ այս անհանդուրժողականությունը կարող է ազդել խոսքի ազատության վրա: «Մենք ուշադրություն ենք դարձնում մի քանի հարցի վրա, որոնց անդրադարձ կկատարենք անպայման եւ հանդես կգանք համապատասխան հաղորդմամբ»,- ասաց Արման Թաթոյանը:
ՄԻՊ-ը նաև արձանագրել է, որ անհանդուրժողականությունն ու այլատյացությունը տարածվում են ֆեյքերով:
