Համաշխարհային քայլահարթակների նոր բացահայտումը Նյու Յորքի 27-ամյա բնակչուհի Մելանի Գայդոսն է: Նա նորաձևության աշխարհի նորահայտ աստղն է` չնայած տառապում է հազվագյուտ ժառանգական հիվանդությամբ, ինչի պատճառով աղջիկը ոչ ատամ ունի, ոչ էլ մազեր: Եվ, այդուհանդերձ, աղջիկը երկրպագուների բանակ ունի ու կարողացել է հաջող կարիերա անել, հաղորդում է Vesti.ru-ն:
Մելանին տառապում է էնդոթերմալ դիսպլազիայով, որը նաև ազդում է ոսկրերի ձևավորման վրա: Աղջիկը, ի դեպ, կտրականապես հրաժարվում է պարիկից ու ատամի իմպլանտներից:
Նորաթուխ մոդելը արվեստ է ուսումնասիրել Պրատայի ինստիտուտում, իսկ հետո ինքնալուսանկարներ է արել: Նրա խոսքով, հենց դա է իրեն հնարավորություն տվել տեսնելու ներքին գեղեցկությունը: Իսկ երբ իր լուսանկարները տեղադրեց համացանցում` նրան սկսեցին հրավիրել ցուցադրությունների:
