«Եզրակացությունը կարդացել եմ եւ գտնում եմ, որ շատ խնդրահարույց կետեր կան եւ շատ խնդրահարույց կլինի այդ եզրակացության պայմաններում Ամուլսարի հանքի շահագործումը թույլ տալը»,- այսօր վարչապետ Նիկոլ Փաշինյանի հետ հանդիպումից առաջ լրագրողների հետ զրույցում ասաց «Իմ քայլը» խմբակցության պատգամավոր Վարազդատ Կարապետյանը:
Հարցին, թե արդյոք մանդատները վայր կդնեն այն պատգամավորները, որոնք դեմ են հանքի շահագործմանը, Վարազդատ Կարապետյանը հորդորեց հարցը քննարկել վարչապետի հետ հանդիպումից հետո:
