ԱՄՆ պետքարտուղարության ներկայացուցիչը հայտարարել է, որ ամերիկյան իշխանությունները խիստ մտահոգված են այն տեղեկություններից, որ Բաքվի «Ազատություն ռադիոկայանի» գրասենյակում խուզարկություն է անցկացվել, իսկ աշխատակիցները ձերբակալվել եւ հարցաքննվել են։ Հաղորդում է Reuters-ը։
«Մենք պատասխանատու մարմիններին կոչ ենք անում հարգել Ադրբեջանի միջազգային պարտավորությունները՝ կապված ԶԼՄ-ներում խոսքի ազատության պաշտպանության հետ»,- ասել է պետքարտուղարության ներկայացուցիչը, ով չի ցանկացել ներկայանալ։
Համաձայն դատարանի որոշման՝ խուզարկությունը կատարվել է երկրում ոչ իշխանական ֆոնդերի արտասահմանյան ֆինանսավորման փաստի հետախուզության շրջանակներում։
