Աշխարհի ամենաերիտասարդ միլիարդատիրուհին եւ համանուն կոսմետիկական ապրանքանիշի հիմնադիր Կայլի Ջեները հուլիսի 14-ին «Ինսթագրամի» իր էջում լուսանկար է հրապարակել, որտեղ նա ամբողջովին մերկ է
Լուսանկարում 21-ամյա Ջեները նստած է լողավազանի եզրին՝ մի ձեռքով փակած մերկ կուրծքը, իսկ ծղոտե լայնեզր գլխարկով՝ դեմքը։ «Արձակուրդի ռեժիմ»՝ այսպես է մակագրել հրապարակումը գործարար տիկինը։
Ոչ բոլոր հետեւորդներն են ողջունել Ջեների բաց լուսանկարը։ «Եվ ի՞նչ օրինակ ես տալիս դու քո դստերը։ Ես քեզ սիրում եմ Կայլի, սակայն դա ճիշտ չէ, թեեւ քո կյանքն է»,- գրել է նրանցից մեկը։
«Միթե դու երիտասարդ մայր չես, ավելի լավ է երեխայիդ մասին հոգ տանեիր»,- խորհուրդ է տվել մեկ այլ օգտատեր։ «Ավելի լավ է հագնվեիր եւ շարունակեիր վայելել հանգիստդ»,- գրել էր մեկ ուրիշ երկրպագու։
Քայլի Ջեների հրապարակումն այս պահին հավաքել է շուրջ տասը միլիոն «լայք»։
